کیا کراچی میں تباہ ہونے والے طیارے میں دانش تیمور اور عائزہ خان بھی سوار تھے؟ سوشل میڈیا پر چلنے والی خبروں کے بعد اصل حقیقت سامنے آگئی

کراچی(قدرت روزنامہ)لاہور سے سندھ کے دارالحکومت کراچی آنے والے پاکستان ایئر لائنز (پی آئی اے) کے طیارے کے گر کر تباہ ہونے کے بعد سوشل میڈیا پر فوری طور پر غلط خبریں اور افواہیں پھیل گئیں . افواہیں پھیلنے سے جہاں عام لوگ پریشانی کا شکار ہوئے، وہیں کچھ معروف شخصیات سے متعلق بھی جھوٹی خبریں پھیلائی گئیں .

ضرور پڑھیں: عائزہ خان اور دانش تیمور ایک بار پھر سیونتھ اسکائی انٹرٹینمنٹ کے “مہر پوش”میں ایک ساتھ نظر آئیں گے

حادثے کے شکار ہونے والے طیارے میں تقریبا 100 مسافر اور عملے کے ارکان سوار تھے اور طیارہ عین اس وقت حادثے کا شکار بنا جب وہ لینڈنگ کیلئے تیار تھا.حادثے کے فوری بعد سوشل میڈیا پر بدقسمت طیارے کی تصاویر اور ویڈیوزوائرل ہوگئیں جن میں طیارے کو آگ کے شعلوں میں جلتے ہوئے دیکھا گیا.بدقسمت طیارے کے مسافروں کی فہرست بھی سوشل میڈیا پر وائرل ہوگئی جبکہ متعدد نامور شخصیات کے بھی طیارے میں سوار ہونے کی افواہیں گردش کرنے لگیں اور ایسی خبریں پاکستان کے معروف جوڑے دانش تیمور اور عائزہ خان سے متعلق بھی پھیلائی گئیں.

 

 

خود سے متعلق افواہیں پھیلنے کے بعد دانش تیمور اور عائزہ خان نے سوشل میڈیا کے ذریعے وضاحت کی کہ ان سے متعلق تمام خبریں جھوٹی ہیں اور وہ طیارے کے مسافروں میں شامل نہیں.دانش تیمور نے انسٹاگرام پر فیک نیوز کی گرافکس کے ساتھ مداحوں کو بتایا کہ وہ اور ان کی اہلیہ خیریت سے ہیں اور وہ گھر پر ہی ہیں.انہوں نے خود سے متعلق ہونے والی افواہوں کو جھوٹا قرار دیتے ہوئے حادثے کا شکار ہونے والے افراد کے اہل خانہ سے دکھ کا اظہار بھی کیا.دوسری جانب عائزہ خان نے بھی انسٹاگرام پر اپنے متعلق جھوٹی خبر کا اسکرین شاٹ شیئر کرتے ہوئے اس کی تردید کی.عائزہ خان نے سادہ الفاظ میں خود سے متعلق ہونے والی معلومات کو جھوٹا قرار دیا.

..

ضرور پڑھیں: اداکارہ عائزہ خان کا اصل نام کیا ہے ؟شوہر دانش تیمور نے بتا دیا


Top