عیدکی چھٹیوں پر گھرجانے والے ایک ہی خاندان کے افراد کی گاڑی کو حادثہ، ایک شخص جاں بحق ، دیگر زخمی ، انتہائی افسوسناک واقعہ

کوہاٹ(قدرت روزنامہ) کوہاٹ کی حدودمیں لاچی کے قریب انڈس ہائی وے پرعیدکی چھٹیوں پر گھرجانے والے ایک ہی خاندان کے افراد کی گاڑی کو حادثہ ‘ ایک شخص جاں بحق جبکہ بیوی اور بچوں سمیت 6 دیگر زخمی ہوگئے . جاں بحق و زخمی افراد کا تعلق ضلع کرک سے بتایاجاتا ہے .

ضرور پڑھیں: کورونا سے ہلاکتیں ۔۔۔ !!!جاں بحق ہونے والے افراد کی میتوں کےساتھ کیا کیا جائے گا؟سندھ حکومت نے بڑا سرپرائز دے دیا

ریسکیو1122 کے مطابق جمعرات کے روز انڈس ہائی وے پر لاچی تحصیل کے قریب ایک موٹرکار حادثہ کا شکارہوگئی جس کے نتیجے میں رفیق اسلام نامی شخص موقع پر جاں بحق ہوگیا

جبکہ اْس کی بیوی اور چار بچے سمیت چھ افراد زخمی ہوگئے. ریسکیوترجمان کے مطابق حادثہ لاپرواہی اور غفلت کے باعث پیش آیا .حادثہ کی اطلاع ملتے ہی ریسکیو1122 ٹیم فوری طورپر جائے حادثہ پہنچ گئی اور ابتدائی طبی امداد کے بعد جاں بحق و زخمی افراد کو ڈویژنل ہیڈکوارٹرہسپتال کوہاٹ پہنچادیا.ترجمان کے مطابق جاں بحق و زخمی افراد کا تعلق ضلع کرک کے علاقے بوگارہ سے ہے جو پشاور سے عید منانے اپنے آبائی گاؤں جارہے تھے کہ حادثہ کا شکارہوگئے.

..

ضرور پڑھیں: سندھ حکومت نے کورونا کی وجہ سے جاں بحق ہونے والے افراد کی میتوں کی ورثا کو حوالگی کی منظوری دے دی


Top