پاک فوج کے پیچھے کونسی طاقت ہے؟ شاہد آفریدی نے کشمیر میں کھڑے ہوکر مودی کو للکار دیا

مظفر آباد (قدرت روزنامہ) قومی ٹیم کے سابق کپتان شاہد آفریدی نے بھارتی وزیر اعظم نریندر مودی کو للکارتے ہوئے کہا کہ ہم نے ابھی نندن جیسے چوزوں کو چائے پلا کر واپس بھیجا . پاک فوج کی وردی میں ملبوس شاہد آفریدی نے آزاد کشمیر میں راشن کی تقسیم کی تقریب کے دوران ایک گاؤں میں لوگوں سے بات کرتے ہوئے کہا کہ ایک بہت بڑی بیماری دنیا میں پھیلی ہوئی ہے، اللہ تعالیٰ ہمیں اپنے حفظ وامان میں رکھے لیکن اس سے بڑی بیماری مودی کے دل ودماغ میں ہے اور وہ بیماری مذہب کی بیماری ہے .

مذہب کو لے کر وہ سیاست کررہے ہیں اور ہمارے کشمیری بہن بھائیوں اور بزرگوں پر ظلم کررہا ہے. شاہد آفریدی نے مزید کہا کہ مودی کو ایک بات کا پتہ ہونا چاہئے، دلیر بننے کی کوشش کرتا ہے لیکن ہے ڈرپوک آدمی. چھوٹے سے کشمیر کیلئے اس نے 7 لاکھ کی فوج جمع کردی ہےجب کہ ہماری کل فوج 7 لاکھ ہے. مودی کو یہ نہیں پتہ کہ ہماری 7 لاکھ فوج کے پیچھے 22 کروڑ کی فوج کھڑٰی ہے.ہم سب اپنی فوج کے ساتھ ہیں، میں پاک فوج کوسیلیوٹ پیش کرتا ہوں . شاہد آفریدی نے کہا کہ ہم نے ابھی نندن

جیسے چوزوں کو ہوا میں مارنے کے بعد چائے پلا کر عزت کیساتھ واپس بھیجا ہے . ہم نے دنیا کو پیغام دیا ہے کہ ہم امن پسند قوم ہیں. خیال رہے کہ شاہد آفریدی ان دنوں کورونا لاک ڈاؤن کی وجہ سے ملک کو کونے کونے میں جا کر مستحقین میں راشن تقسیم کر رہے ہیں جبکہ انہوں نے مخیر حضرات سے بھی اپیل کی ہے کہ وہ آگے بڑھیں اور اس نیک کام میں حصہ لیں کیونکہ کورونا وائرس کی وجہ سے ملکی معیشت بری طرح متاثر ہوئی ہے جس سے سفید پوش طبقہ اور غرباء کو سخت مشکلات کا سامنا کرنا پڑھ رہا ہے.

..


Top