قرنطینہ میں رکھے گئے 2066افراد کرونا رپورٹس منفی آنے پر اپنے گھروں کو چلے گئے

فیصل آباد (قدرت روزنامہ) فیصل آبادآنے والے 2760 زائرین،تبلیغی جماعتوں کے ارکان،مسافراور فلائٹس سٹاف میں سے اب تک 2066افراد رپورٹس منفی آنے پرمتعلقہ اضلاع اور صوبوں میں جاچکے ہیں جن میں 297زائرین،68 تبلیغی جماعت کے افراد،متحدہ عرب امارات،بحرین اور دبئی سے آنے والے 1619مسافراور فلائٹس سٹاف کے 82،افراد شامل ہیں . ضلعی انتظامیہ کے مطابق مجموعی طور پر آنے والے 2300 مسافروں میں سے 1619مسافرنیگیٹو ہونے کے بعدگھروں میں جاچکے ہیں

جبکہ باقی تاحال کورنٹائن ہیں .

گورنمنٹ جنرل ہسپتال غلام محمد آباد میں اس وقت کورونا وائرس کے 51 کنفرم مریض زیر علاج ہیں جبکہ مجموعی طور پر 72، افراد کورنٹائن /زیر علاج ہیں.ترجمان نے بتایا کہ سمارٹ سیمپلنگ کے دوران اب تک مختلف اداروں کے 628 ،افراد کے ٹیسٹ کئے جاچکے ہیں جن میں سے 296 کی رپورٹس منفی،5 پازیٹو اور 327کی کورونا وائرس رپورٹس کا انتظارہے اسی طرح کمیونٹی میں 725مشتبہ افراد میں سے 514 نیگیٹو،16 پازیٹو،37 صحت یاب اور باقی ماندہ افرادکی رپورٹس کا انتظار ہے

.ضلعی انتظامیہ نے شہریوں سے اپیل کی ہے کہ وہ حکومتی اقدامات میں تعاون کرتے ہوئے گھروں پر رہیں، احتیاطی تدابیر پر ذمہ دارای سے عمل جاری رکھیں،انتہائی ضرورت کے تحت ہی گھروں سے باہر نکلتے وقت فیس ماسک کا استعمال یقینی بنائیں،بار بار کم ازکم بیس سیکنڈ تک ہاتھ صابن سے دھویں.احتیاطی تدابیر پر ذمہ داری سے عمل کریں تاکہ نہ صرف وہ خودبلکہ اہلخانہ کو بھی اس وائرس سے محفوظ رکھ سکیں.

..


Top