CORONAVIRUS
PAKISTAN
CONFIRMED CASES

3766

 

 

 

 

 

 

  • Deaths
    52
  • Sindh
    932
  • Punjab
    1918
  • Balochistan
    202
  • KP
    405
  • Islamabad
    82
  • GB
    211
  • AJK
    16

 

 

 

 


کرونا وائرس کیخلاف خدمات انجام دینے والے 2 ڈاکٹرز اور ایک نرس میں کرونا وائرس کا شبہ، سیٹلائٹ ٹاؤن راولپنڈی میں میاں بیوی کا ٹیسٹ پازیٹو آ گیا، گلی سیل کردی گئی

راولپنڈی (قدرت روزنامہ) راولپنڈی میں کرونا کے خلاف خدمات انجام دینے والے 2ڈاکٹروں اور1نرس کے کرونا وائرس کے شبہ میں نمونے تصدیق کے لئے قومی ادارہ صحت بھجوا دیئے گئے ہیں جبکہ سٹلائیٹ ٹاؤن کے علاقے میں میاں بیوی میں کرونا پازیٹو ہونے کا انکشاف ہوا ہے اطلاعات کے مطابق بی بلاک سیٹلائٹ ٹاون میں رہائش پذیر ماجد اور اسکی اہلیہ کی رپورٹس پازیٹو آنے پر گلی سیل کر دی گئی ہے جبکہ محکمہ ہیلتھ کی ٹیموں نے پولیس کی مدد سے دونوں میاں بیوی کو راولپنڈی انسٹیٹیوٹ آف یورالوجی کے آئسولیشن وارڈ منتقل کردیا گیاہے

متاثرہ شہری ماجد کچھ عرصہ قبل انگلینڈ سے پاکستان آیا تھا ادھر ذرائع کے مطابق بے نظیر بھٹو ہسپتال میں 2 ڈاکٹروں اور ایک نرس میں کرونا وائرس کے شبہ پر ان کے نمونے تصدیق کے لئے این آئی ایچ بھجوائے گئے ہیں ذرائع کے مطابق ڈاکٹر عمران، ڈاکٹر منان اور سٹاف نرس صائمہ النسا کو آئسولیشن وارڈ میں منتقل کردیا گیا اسی طرح بے نظیر بھٹو ہسپتال میں گزشتہ روز کرونا کے شبہ میں 6 مریضوں کے نمونے حاصل کرکے این آئی ایچ بھجوائے گئے ہیں ذرائع کے مطابق بے نظیر بھٹو ہسپتال میں ایک کرونا پازیٹو جبکہ 13 مشتبہ افرادہسپتال میں موجود ہیں

دریں اثنا گزشتہ روز راولپنڈی پولیس کی جانب سے کورونا وائرس کے خلاف لڑنے والے ڈاکٹروں کی جراتمندانہ خدمات کوخراج تحسین پیش کرنے کے لئے بے نظیر بھٹو ہسپتال میں خصوصی تقریب کا انعقاد کیاجس میں ایس پی راول ڈویژن رائے مظہر کی سربراہی میں پولیس نے ڈاکٹروں کو پھول پیش کئے پولیس افسران اور اہلکاروں نے ڈاکٹروں کی خدمات پر خراج تحسین پیش کرتے ہوئے کہا کہ راولپنڈی پولیس آپ کی اس بے مثال کوشش پر آپ کو سلام پیش کرتی ہے .

.

.


Top