single photo

آسٹریلیا کے ہاتھوں شرمناک شکست کے بعد پاکستانی ٹیم آئی سی سی رینکنگ میں بھی اپنی تاریخ کی سب سے بدترین تنزلی کا شکار ہوگئی

ایڈیلیڈ (قدرت روزنامہ) آسٹریلیا کے ہاتھوں شرمناک شکست کے بعد پاکستانی ٹیم آئی سی سی رینکنگ میں بھی اپنی تاریخ کی سب سے بدترین تنزلی کا شکار ہوگئی، تازہ ترین ٹیسٹ رینکنگ میں قومی ٹیم 8ویں پوزیشن پر پہنچ گئی، صرف 80 پوائنٹس کیساتھ نمبر 7 ویسٹ انڈیز سے 1 پوائنٹ جبکہ نمبر 6 سری لنکا سے 15 پوائنٹس پیچھے . تفصیلات کے مطابق پاکستان آسٹریلیا سیریز کے اختتام پر آئی سی سی نے تازہ ترین ٹیسٹ رینکنگ جاری کر دی ہے .

ضرور پڑھیں: این چیپل آسٹریلیا کے ہاتھوں پاکستان کی شکست کا صدمہ ابھی تک نہ بھلا سکے، اب کسے ذمہ دار قرار دیدیا؟

سرفراز احمد کی کپتانی میں ٹیسٹ میچوں میں مسلسل شکستوں اور اب آسٹریلیا کیخلاف سیریز میں شکست کے بعد پاکستانی ٹیم آئی سی سی رینکنگ میں بھی اپنی تاریخ کی سب سے بدترین تنزلی کا شکار ہوگئی ہے. پاکستان کرکٹ ٹیم صرف 80 پوائنٹ کے ساتھ رینکنگ میں 8 ویں نمبر پر پہنچ گئی ہے. واضح رہے کہ آسٹریلیا نے ڈیوڈ وارنر کی شاندار ٹرپل سنچری کے بعد مچل اسٹارک اور نیتھن لائن کی بہترین بالنگ کی بدولت پاکستان کو سیریز کے دوسرے ٹیسٹ میچ میں شکست دے کر 0-2 سے کلین سویپ مکمل کر لیا. ایڈیلیڈ میں کھیلے گئے سیریز کے دوسرے ٹیسٹ میچ کے چوتھے دن کا آغاز پاکستانی ٹیم نے 39 رنز پر 3 کھلاڑیوں کے نقصان سے کیا تو شان مسعود 14 اور اسد شفیق 8 رنز پر کیریز پر موجود تھے.ابتدائی طور پر دونوں بلے بازوں نے ٹیم کو سہارا دیا اور ٹیم کی سنچری مکمل کرائی، دونوں نے چوتھی وکٹ کے لیے 103رنز کی شراکت قائم کی لیکن 123 کے اسکور پر قومی ٹیم کی چوتھی وکٹ کر گئی.

آسٹریلین اسپنر نیتھن لائن نے نصف سنچری بنانے والے کھلاڑی شان مسعود کو پویلین کی راہ دکھائی اور اس کے بعد اسد شفیق سے بھی ساتھی کھلاڑی کی جدائی برداشت نہ ہوئی اور وہ بھی 154 کے مجموعی اسکور پر 57 رنز بنا کر آف اسپنر کو وکٹ دے بیٹھے.154 رنز پر آدھی ٹیم کے آئوٹ ہونے کے بعد افتخار احمد اور محمد رضوان نے ٹیم کا اسکور آگے بڑھایا تاہم ٹیم کی ڈبل سنچری مکمل ہونے کے ساتھ ہی 201 رنز کے مجموعی اسکور پر افتخار احمد بھی 27 رنز پر ہمت ہار گئے. پہلی اننگز میں سنچری بنانے والے یاسر شاہ کی ہمت 13رنز پر جواب دے گئی جبکہ شاہین شاہ آفریدی بھی اس مرتبہ صرف ایک رن بنا سکے.محمد رضوان نے آسٹریلین بائولنگ کے سامنے کچھ دیر تک مزاحمت کی لیکن جوش ہیزل وڈ نے ان کی بھی وکٹیں بکھیر کراپنی ٹیم کو فتح کی دہلیز تک پہنچا دیا.239 کے مجموعی اسکور پر محمد عباس رن آئوٹ ہو کر پویلین لوٹ گئے اور اس کے ساتھ ہی آسٹریلیا نے پاکستان میچ میں اننگز اور 48رنز سے شکست دے کر سیریز میں بھی 0-2 سے کلین سویپ مکمل کر لیا. آسٹریلیا کی جانب سے نیتھن لائن نے عمدہ بالنگ کرتے ہوئے 5 وکٹیں لیں جبکہ ہیزل وڈ کے حصے میں تین وکٹیں آئیں.ڈیوڈ وارنر کو ان کی شاندار ٹرپل سنچری پر میچ کا بہترین کھلاڑی قرار دیا گیا اور سیریز میں سب سے زیادہ رنز بنانے پر وہ مین آف دی سیریز کا ایوارڈ بھی لے اڑے.واضح رہے کہ آسٹریلیا کی ٹیم نے بلے باز ڈیوڈ وارنر کے 335 رنز کی بدولت 3 کھلاڑیوں کے نقصان پر 589 رنز بناکر پہلی اننگز ڈکلیئر کردی تھی جس کے جواب میں پاکستانی ٹیم اپنی پہلی اننگز میں 302 رنز پر آئوٹ ہو کر فالوآن کا شکار ہوگئی تھی.

..

ضرور پڑھیں: ”میں آسٹریلیا کام کرنے گیا تھا چھٹیاں منانے نہیں“

Top