افغانستان کیخلاف میچ میں بال ٹمپرنگ، ویسٹ انڈیز کے اہم کھلاڑی کو معطل کر دیا گیا

دبئی (قدرت روزنامہ) انٹرنیشنل کرکٹ کونسل (آئی سی سی) نے ویسٹ انڈین بلے باز نکولس پورن کو بال ٹیمپرنگ کرنے پر 4 میچوں کیلئے معطل کر دیا ہے . تفصیلات کے مطابق آئی سی سی نے ویسٹ انڈین بلے باز نکولس پورن کو بال ٹیمپر کرنے پر چار میچز کیلئے معطل کرنے کے علاوہ انہیں 5 ڈی میرٹ پوائنٹس بھی دئیے ہیں .

ضرور پڑھیں: افغانستان کے ساتھ تجارتی مفادات اور تعلقات میں بہتری۔!! پاکستان کا انگور اڈہ اور خرلاچی بارڈر کھولنے کی تیاریاں

نکولس پورن نے افغانستان کے خلاف تیسرے ون ڈے میچ کے دوران بال کو انگوٹھے کے ناخن سے کھرچ کر اسے خراب کرنے کی کوشش کی تھی. نکولس پورن نے اپنے جرم کا اعتراف کرتے ہوئے ویسٹ انڈیز اور افغان مداحوں سے معافی مانگ لی ہے اور اپنی سزا کو بھی قبول کر لیا ہے

جس کے باعث مزید سماعت کی ضرورت پیش نہیں آئی. واضح رہے کہ نکولس پورن میچ میں باﺅلنگ کررہے تھے تاہم انہیں کوئی وکٹ نہیں مل سکی تھی جس پر انہوں نے بال ٹیمپر کی اور کیمروں نے یہ تمام منظر محفوظ کر لیا.

..

ضرور پڑھیں: افغانستان میں ایک فوجی کے قتل کے بدلے عسکریت پسندوں کو روس کی جانب سے1 لاکھ ڈالرملتے تھے


Top