single photo

ایران کا فردو جوہری پلانٹ پر یورینیم کی افزودگی کا عمل شروع کرنے کا اعلان

تہران (قدرت روزنامہ) ایران نے یورینیم کی افزودگی کے لئے فردو جوہری پلانٹ میں یورینیم گیس بھرنے کا عمل شروع کرنے کا اعلان کیا ہے، منگل کو ایک پریس کانفرنس کے دوران ایران کے صدر حسن روحانی نے کہا ہے کہ وہ فردو جوہری تنصیب کے 1,000 کنٹری فیوجز میں یورینیئم گیس بھرنے کا عمل (آج ) بدھ سے شروع کر رہے ہیں انہوں نے کہاکہ اس ضمن میں انہوں نے جوہری توانائی پروگرام کے سربراہ کو فردو کی سینٹری فیوجز میں آج سے گیس بھرنے کی ہدایت کر دی ہے . انہوں نے کہا کہ عالمی جوہری معاہدے کی یہ خلاف ورزی کسی بھی وقت واپس ہو سکتی ہیں .

ضرور پڑھیں: حکومت کا افغانستان اور ایران کی سرحدوں پر بارڈر مارکیٹس قائم کرنے کا فیصلہ

انہوں نے کہا کہ جب دیگر پارٹیاں اپنے وعدوں پر مکمل عمل درآمد کریں گی تو ہم بھی اپنے معاہدوں پر ثابت قدم رہیں گیکیونکہ ہمیں بھیفردو کی حساسیت کا علم ہے. واضح رہے کہ 2015ء کے جوہری معاہدے میں ان کنٹری فیوج میں گیس بھرے بغیر فردو پلانٹ کو چلانے کی شرط رکھی گئی تھی.جوہری سنٹری فیوج میں یورینیم ہیکسافلورائیڈ گیس بھرنے کے بعد سپننگ کے عمل سے یورینیم آئسو ٹوپ ’’یو 235‘‘(افزودہ یورینیم) جوہری فیوژن کے لئے علیحدہ کیئے جاتے ہیں گزشتہ برس امریکہ کے اس جوہری معاہدے سے علیحدہ ہو جانے کے بعد سے دیگر مغربی طاقیتں اس ڈیل کو بچانے کی کوششوں میں ہیں.

..

ضرور پڑھیں: ایران نے امریکہ کے حوالے سے دنگ کر ڈالنے والا اعلان کر دیا

Top