single photo

بریکنگ نیوز: سستے گھروں کی تعمیر : فیس بُک کے بانی مارک زکربرگ نے 1ارب ڈالرز دینے کا اعلان کر دیا

نیو یارک (قدرت روزنامہ) سستے گھروں کی تعمیر کیلیے مارک زکر برگ میدان میں آگیے، خطیر رقم کی سرمایہ کاری کرنے کا اعلان کر دیا . فیس بک کے بانی مارک زکر برگ کا کہنا ہے کہ امریکی ریاست کیلیفورنیا میں سستی رہائش کے منصوبوں کیلئے ایک ارب ڈالر دیں گے .

ضرور پڑھیں: فواد چوہدری کی فیس بک کے بانی مارک زکربرگ کی بہن کو پاکستان آنے کی دعوت

تفصیلات کے مطابق فیس بک کے بانی نے اپنی ایک فیس بک پوسٹ میں مارک زکر برگ کا کہنا تھا کہ کیلیفورنیا سمیت ان کمیونٹیز میں ایک ارب ڈالر کی سرمایہ کاری کریں گے جن میں فیس بک کام کر رہا ہے. فیس بک کے بانی نے کہا اگرچہ ٹیکنالوجی انڈسٹری نے بہت سی ملازمتیں پیدا کی ہیں لیکن انڈسٹری کی وجہ سے بعض جگہیں رہنے کیلئے انتہائی مہنگی ہوگئی ہیں اور ہم مسئلے کو حل کرنے میں مدد کرنا چاہتے ہیں.

مارک زکر برگ کا کہنا تھا کہ ریاست کیلیفورنیا کی حکومت اور گورنر گیون نیوسم کے ساتھ مل کر 20 ہزار نئے گھر تعمیر کریں گے جو اساتذہ، نرسوں، ایمرجنسی سروس اور دیگر لوگوں کیلئے ہوں گے تاکہ ان کمیونٹیز میں رہائش اختیار کرسکیں

جہاں انکی ضرورت ہوتی ہے. فیس بک کے بانی نے کہا کہ مقامی کمیونٹیز کی کچھ عرصے سے مدد کر رہے ہیں لیکن بہت سے مسائل ایسے ہیں جو پیسے کی بنیاد پر حل نہیں کیے جاسکتے اس لیے وہ کمیونٹی کے لوگوں، پالیسی میکرز اور دوسری کمپنیوں سے اس حوالے سے بات کر رہے ہیں تاکہ مسائل کو مل کر حل کیا جاسکے.

..

ضرور پڑھیں: فیس بک نے گھٹنے ٹیک دیئے ، معافی مانگ لی

Top