حکومت مذاکرات کے ذریعے اپوزیشن جماعتوں کے تمام مسائل حل کرنے اور تحفظات دور کرنے کیلئے تیار ہے

اسلام آباد(قدرت روزنامہ) گورنر پنجاب چودھری محمد سرور نے کہا ہے کہ پاکستان تحریک انصاف (پی ٹی آئی) حکومت مذاکرات کے ذریعے اپوزیشن جماعتوں کے تمام مسائل حل کرنے اور تحفظات دور کرنے کیلئے تیار ہے . منگل کو نجی ٹی وی سے بات چیت کرتے ہوئے انہوں نے کہا کہ نام نہاد آزادی مارچ سے کشمیر کاز کو نقصان پہنچے گا، انہوں نے مولانا فضل الرحمان پر زور دیا کہ وہ کشمیر کی موجودہ صورتحال کے پیش نظر اسلام آباد کی طرف مارچ کرنے کا ارادہ ترک کر دیں .


ضرور پڑھیں: اپوزیشن جماعتوں کی اے پی سی بلانے کی پیپلزپارٹی کی کوششوں کو دھچکا،ن لیگ کی شہبازشریف کی مکمل صحت یابی تک شمولیت سے معذرت

انہوں نے کہا کہ وزیر اعظم عمران خان مذاکرات کے ذریعے اپوزیشن جماعتوں کے معاملات حل کرنا چاہتے ہیں،

بات چیت جمہوریت کا حصہ ہے اور معاملات کو خوش اسلوبی کے ساتھ نمٹانے کا یہی واحد راستہ ہے. گورنر پنجاب نے کہا کہ بھارت لائن آف کنٹرول (ایل او سی) کی مسلسل خلاف ورزی کر رہا ہے، انہوں نے تمام سیاسی جماعتوں پر زور دیا کہ آئیں اور حکومت کے ساتھ مل کر ٹھوس موقف اپنائیں تاکہ دنیا کو سخت پیغام ملے اور وہ مسئلہ کشمیر حل کرنے کیلئے بھارت پر دبائو ڈالے. ایک سوال کے جواب میں انہوں نے کہا کہ سابق وزیر اعظم نواز شریف کو ہر قسم کی طبی سہولیات فراہم کی جارہی ہیں اور پی ٹی آئی کا کوئی رہنما نواز شریف کی صحت پر سیاست نہیں کر رہا. انہوں نے کہا کہ پی ٹی آئی حکومت کی دانشمندانہ پالیسیوں کی وجہ سے کرنٹ اکاؤنٹ خسارہ کم ہوا ہے.

..

ضرور پڑھیں: ’’ترک صدر کی اپوزیشن جماعتوں کے اثاثے ہتھیانے کی منصوبہ بندی‘‘ حیرت انگیز دعویٰ کر دیا گیا


Top