single photo

ذیابیطس کے مریضوں کیلئے حیران کن خصوصیات کا حامل ”ذہین جوتا“ تیار کر لیا گیا

کراچی (قدرت روزنامہ)ذیابیطس کے مریضوں کیلئے بہت ضروری ہوتا ہے کہ وہ اپنے پیروں کا خصوصی خیال رکھیں . اسی پہلو کو مدنظر رکھتے ہوئے نیو جرسی انسٹی ٹیوٹ آف ٹیکنالوجی کے پی ایچ ڈی طالب علم لین لی نے تحقیق کے بعد بونبوٹن نامی کمپنی بنائی ہے جس نے جوتے کے اندر لگانے والا ذہین برقی تل(سمارٹ الیکٹرک سول)بنایا ہے جسے کسی بھی عام جوتے کے اندر رکھا جاسکتا ہے .

ضرور پڑھیں: ذیابیطس سے مکمل نجات پانا چاہتے ہیں؟

اس میں مضبوط سینسر لگے ہیں جو گرافین سے بنائے گئے ہیں.یہ سینسر پیر کے تلوے کے مختلف مقامات پر دبا کو نوٹ کرتے رہتے ہیں اور اس کے درجہ حرارت میں تبدیلی کو دیکھتے رہتے ہیں. جیسے ہی ڈیٹا ظاہر کرتا ہے کہ

کسی قسم کی سوزش یا اندرونی جلن بڑھ رہی ہے تو اس میں موجود بلیو ٹوتھ فوری طور پر اس کی اطلاع ایک ایپ کے ذریعے مریض کے سمارٹ فون تک بھیجتا ہے.ساتھ ہی ایپ بتاتی ہے کہ آپ کو کس طرح کی احتیاطی تدابیر اختیار کرنی چاہئیں. دوسری جانب جوتے کا سمارٹ سول آپ کے ڈاکٹروں اور عزیزوں کو بھی اطلاع دیتا ہے کہ پیر میں زخم پڑنے کے امکانات بڑھ چکے ہیں.سول کے اندر چھوٹی اور باریک بیٹریاں لگی ہیں جو مسلسل چار ماہ تک پورے نظام کو بجلی دے سکتی ہیں.

..

ضرور پڑھیں: ذیابیطس کو کنٹرول میں رکھنے میں مددگار بہترین مصالحہ

Top