single photo

ٹرمپ سے ایک سے زائد ملاقاتیں کی جائیں گی، عمران خان کے دورہ امریکا کے شیڈول کو حتمی شکل دے دی گئی

اسلام آباد(قدرت روزنامہ)وزیراعظم کے دورہ امریکا کے شیڈول کو حتمی شکل دے دی گئی، اس مرتبہ عمران خان کا دورہ ہوگا کچھ مختلف، ٹرمپ سے ایک سے زائد ملاقاتیں کی جائیں گی، جنرل اسمبلی اجلاس کےدوران وزیراعظم اہم ممالک کےسربراہوں سے بھی ملاقاتیں کرینگے . تفصیلات کے مطابق وزیراعظم عمران خان کے دورہ امریکا کا شیڈول طے کر لیا گیا ہے .

ضرور پڑھیں: عمران خان کے معاون شہزاد اکبر کے بیرون ملک دوروں اور ایسٹ ریکوری یونٹ پر کتنا خرچ آیا ؟ تفصیلات سامنے آ گئیں

وزیراعظم کے دورے کے شیڈول کی تفصیلات بھی جاری کر دی گئی ہیں. وزیراعظم ہاوس ذرائع کے مطابق وزیراعظم عمران خان دورہ امریکا کے سلسلے میں 21ستمبر کو نیویارک پہنچیں گے. امریکا کے دورے کے دوران وزیراعظم عمران خان کی امریکی صدر ڈونلڈ ٹرمپ سے دو ملاقاتیں ہوں گی. وزیراعظم عمران خان کی امریکی صدر سے ایک ملاقات ظہرانے پر جبکہ دوسری ہائی ٹی پر ہوگی. دورہ امریکا کے دوران وزیراعظم عمران خان 27 ستمبر کو اقوام متحدہ کی جنرل اسمبلی سے خطاب کریں گے. جنرل اسمبلی اجلاس کے دوران وزیراعظم اہم ممالک کے سربراہوں سے بھی ملاقاتیں کرینگے. وزیراعظم عمران خان کا یہ دورہ امریکا کشمیر کی موجودہ کشیدہ و تشویش ناک صورتحال کے تناظر میں زیادہ اہمیت اختیار کر چکا ہے. یہاں یہ بات بھی واضح رہے کہ وزیراعظم عمران خان اقوام متحدہ کی جنرل اسمبلی کے اجلاس سے نریندر مودی کے خطاب کے بعد خطاب کریں گے. توقع ہے کہ وزیراعظم عمران خان اقوام متحدہ کی جنرل اسمبلی کے اجلاس کے دوران بھارتی وزیراعظم نریندر مودی اور ان کے دہشت گردانہ اقدامات کو بھرپور انداز میں آڑے ہاتھوں لیں گے.

..

ضرور پڑھیں: ’’خان صاحب آپ نے اچھا نہیں کیا۔۔۔‘‘خلیجی ممالک سابق وزیراعظم نواز شریف کو بیرون ملک بھیجنے پر وزیراعظم عمران خان سے ناراض کیوں ؟ پول کھل گیا

Top