single photo

تحریک انصاف والوں کی پانچوں گھی میں ، اہم وزراء اور عہدیداروں کے ایسے کرتوت سامنے آگئے کہ آپ کو شریفوں اور زر والوں کے کارنامے بھول جائیں گے

اسلام آباد (قدرت روزنامہ)سینئر صحافی محمد مالک نے انکشاف کیاہے کہ حکومت اپنے پاور پرچیزنگ ایگریمنٹ میں آئی پی پیز کے ساتھ ترمیم کرنے جا رہی ہے اب حسن اتفاق یہ ہے کہ اس میں کچھ آئی پی پیز ہیں جن کا جھگڑا چل رہا ہے اور اس میں دو کمپنیاں بھی سامنے آئی ہیں جن کے نام روش پاور لیمیٹڈ اور آلٹن انرجی لیمیٹڈ ہے . نجی ٹی وی ” ہم نیوز “ کے پروگرام میں خصوصی گفتگو کرتے ہوئے بتایا کہ سی پی پی دونوں کمپنیوں کی خاطر اپنی پالیسی تبدیل کرنے جارہی ہے جس میں اہم مشیر شراکت دار ہیں .

ضرور پڑھیں: تحریک انصاف کے آپسی اختلافات بڑھنے لگے۔۔۔۔ ایک اور اہم ترین رہنما ناراض ہوگئے،عہدہ لینے سے ہی انکار کردیا

ان کا کہنا تھا کہ روش پاور 3 سو میگا واٹ کا پرجیکٹ ہے، ان کا جھگڑا چل رہا تھا ، یہ پہلے گیس پر تھے پھر ایک زمانے میں ان کی گیس کی سپلائی واجبات ادا نہ کرنے پر سوئی گیس نے کاٹ دی اور بعد میں کیس چلتا رہااور اس میں کچھ اور کمپنیاں بھی شامل ہو گئیں تاہم اب کنٹریکٹ میں ترمیم کرنے جارہے ہیں .اس کمپنی میں ” ڈیسکون انجینئرنگ کے 58 فیصد حصص ہیں اور ڈیسکون پی ٹی آئی کے مشیر تجار ت رزاق داﺅد کی کمپنی ہے . محمد مالک کا کہناتھا کہ دوسری کمپنی آلٹن انرجی پاکستان ہے جس کو فائدہ دینے کی کوشش کی جارہی ہے ، 2017 کے مطابق مشیر تجارت رزاق داﺅد اس کمپنی کے چیئرمین اور تیمور داود اس کے چیف ایگزیکٹو تھے .ان کا کہناتھا کہ یہ سارے فیصلے سی پی پی کی کابینہ کمیٹی کرنے جارہی ہے ، اس کے ممبر ایڈوائزر فنانس ہیں جو کہ اس کو ہیڈ کرتے ہیں جبکہ اس میں ندیم بابر بھی خصوصی دعوت پر جاتے ہیں . سینئر صحافی کا کہناتھا کہ کچھ ہفتے پہلے ان کے کنٹریکٹ میں بھی ترمیم کی گئی اور پالیسی تبدیل کرتے ہوئے انہیں گیس سے ایل این جی پر منتقل کر دیا گیا جس کا مطلب ہے کہ حکومت پر اب یہ لازم ہو گا کہ ان سے بجلی خریدیں .انہوں نے مزید انکشاف کیا کہ نئی پالیسی سے دیگر کمپنیاں بھی مفید ہوں گی. ان کا کہنا تھا کہ اس حکومت میں مشیران جس ڈھٹائی سے اپنے مفادات حاصل کر رہے ہیں وہ ناقابل یقین ہے.سینئر صحافی نے کہا لگ رہا ہے کہ وزیراعظم کے مشیران خاص تو ترقی کر رہے ہیں لیکن ملک کی معیشت تباہ ہو رہی ہے.

..

ضرور پڑھیں: تحریک انصاف نے خیبر پختونخواہ میں بڑی وکٹ گرا دی، نامور شخصیت نے شمولیت اختیار کر لی، ٹائیگروں کے حوصلے بلند

Top