single photo

اسرائیلی وزیراعظم کا وادی اردن کو بھی اسرائیل میں شامل کرنے کا اعلان ، ترکی اور سعودی عرب کا ردعمل بھی آگیا

انقرہ(قدرت روزنامہ)سعودی عرب اور ترکی نے اسرائیلی وزیراعظم نیتن یاہو کے وادی اردن کو ریاست میں شامل کرنے کے بیان کو مسترد کرتے ہوئے مذمت جاری کر دی ہے . تفصیلات کے مطابق عرب لیگ اور ترکی نے اسرائیل کے وزیر اعظم نیتن یاہو کی جانب سے مغربی کنارے کی وادی اردن میں یہودی بستیاں بنانے کے اعلان کی مذمت کرتے ہوئے بیان کو نسل پرستانہ قرار دے دیا .

ضرور پڑھیں: شاہ عبداللہ کا اسرائیل کو دئیے گئے علاقوں پراپنی خودمختاری کا اعلان

عرب لیگ نے اسرائیلی وزیر اعظم کے اعلان کی مذمت کرتے ہوئے کہا ہے کہ اس سے امن متاثر ہو گا. ترکی کے وزیر خارجہ نے سوشل میڈیا پر بیان میں کہا ہے کہ اسرائیلی وزیر اعظم نیتن یاہو الیکشن سے پہلے ہر طرح کے غیر قانونی اور جارحانہ بیانات دے رہے ہیں.انہوں نے کہا کہ الیکشن جیت کر وادی اردن میں یہودی بستیاں بنانے کا نیتن یاہو کا وعدہ نسلی عصبیت کی نشاندہی کرتا ہے. آخر دم تک اپنے فلسطینی بھائیوں کے حقوق اور مفادات کا دفاع کرتے رہیں گے. سعودی عرب نے اس اعلان کو بین الاقوامی قوانین کی خلاف ورزی قرار دیتے ہوئے اسے فلسطین کے خلاف خطرناک اشتعال انگیزی قرار دیا اور اس حوالے سے اسلامی تعاون کی تنظیم (او آئی سی) کا ہنگامی اجلاس بلانے کا اعلان بھی کیا.

..

ضرور پڑھیں: اسرائیل کی جانب سے لبنان کی سمندری حدود کی خلاف ورزی

Top