single photo

کھمبے پر بیٹھے رہنے کا عجیب مقابلہ

ڈنمارک (قدرت روزنامہ) ویسے تو دنیا میں فارغ لوگوں کی کوئی کمی نہیں لیکن ڈنمارک میں لکڑی کے کھمبے پر بیٹھے رہنے کا عجیب و غریب مقابلہ ’’پالزٹن‘‘ تقریباً پچاس سال سے ہورہا ہے جسے دنیا کے سب سے اکتا دینے والے کھیلوں میں بھی شمار کیا جاتا ہے . ماضی قریب میں یہ کھیل لگ بھگ متروک ہوچکا تھا لیکن ڈنمارک کے قصبے فرائس لینڈ میں اسے سیاحوں کی توجہ حاصل کرنے کےلیے دوبارہ سے شروع کیا گیا ہے .

ضرور پڑھیں: گھر بیٹھے بغیر ورزش بڑی آسانی سے 10کلو وزن چند دنوں میں کم کریں

اس مقابلے کے شرکاء کو صرف لکڑی کے کھمبے پر چڑھ کر گھنٹوں بلکہ کئی دنوں تک بیٹھے رہنا ہوتا ہے جو یقیناً اکتا دینے والا عمل ہے جس میں دیکھنے والوں کےلیے بھی دلچسپی کا کوئی سامان نہیں. اس کے باوجود 1972 میں پالزٹن کی ایک چیمپئن شپ بھی منعقد ہوچکی ہے جسے جیتنے والا شخص مسلسل 92 گھنٹوں تک کھمبے پر بیٹھا رہا تھا. اس دوران مقابلے کے شرکاء کو کھمبے سے اترنے کی اجازت نہیں تھی،

البتہ وہ کھمبے کے ساتھ لٹکی ہوئی بڑی بڑی ٹوکریوں میں کچھ دیر کےلیے آرام ضرور کرسکتے ہیں. اس کھیل پر ڈنمارک میں ایک فلم ’’اسپورٹس مین آف دی سینچری‘‘ بھی بن چکی ہے جسے 2006 میں بدترین فلم اور بدترین ڈائریکٹر کے ’’گولڈن انیئن ایوارڈ‘‘ کےلیے نامزد کیا گیا. یہ ایک ایسے شخص کی کہانی ہے جو پالزٹن چیمپئن شپ جیتنے کےلیے اپنا گھر بار، بیوی بچے، سب کچھ چھوڑ دیتا ہے اور بالآخر کھمبے پر بیٹھے بیٹھے ہی مرجاتا ہے.

..

ضرور پڑھیں: زیادہ دیر تک بیٹھے رہنے والوں کیلئے انتہائی بری خبر

Top