single photo

عوام ہوشیار خبردار۔۔ جعلساز خواتین پر مشتمل گروہ سرگرم عمل ۔۔ گھریلو خواتین کو منفرد انداز میں لوٹا جانے لگا

کراچی(قدرت روزنامہ) کراچی میں جعلساز خواتین پر مشتمل گروہ سرگرم عمل ہے جو گھریلو خواتین کو منفرد انداز میں لوٹتا ہے . جعل ساز خواتین پر مشتمل گروہ کورنگی، لانڈھی اور گلشن اقبال کے علاقوں میں گھریلو خواتین کو نشانہ بناتی ہیں .

ضرور پڑھیں: آن لائن منشیات سپلائی کرنے والا گروہ گرفتار ملزمان آرڈر کیسے بک کرتے تھے؟جانئے

جعلساز خواتین پہلے کسی پروڈکٹ کو لے کر گھر کے دروازے پر دستک دیتی ہیں اور پھر خاتون خانہ کو مصنوعات کے ڈبے میں موجود قیمتی انعام کا جھانسہ دیتی ہیں. جعلساز گروہ کی متاثرہ کورنگی کی رہائشی خاتون رضیہ بیگم کا کہنا ہے کہ جب انہوں نے ڈبہ کھولا تو کیمرا انعام میں نکلا لیکن جعل ساز خواتین نے باتوں کا ایسا جادو جگایا کہ وہ کچھ بھی نہ کر سکیں اور بہت کچھ

گنوا بیٹھیں.متاثرہ خاتون کی خوش قسمتی رہی کہ گھر میں موجود ان کی بیٹی ریما نے ایک جعلساز خاتون کی تصویر بنا لی.متاثرہ خاتون نے زمان ٹاؤن تھانے میں واقعہ سے متعلق درخواست جمع کرا دی ہے جب کہ پولیس کا کہنا ہے کہ ملزمان کی تلاش جاری ہے.پولیس حکام کے مطابق رمضان المبارک سے قبل شہر میں ایسے جعل ساز گروہ سرگرم ہو جاتے ہیں اس لیے شہری ایسے جعلسازوں سے ہوشیار رہیں.

..

ضرور پڑھیں: فیصل آباد میں لڑکے اور لڑکیوں کی فحش ویڈیوز بنانے والا گروہ پکڑا گیا

Top